La Haketía: es..era..ha sido?

Amantes queridos de la Haketía,

Tengoy un problema que no me desha vivir en paz:  Como hablaremos de la Haketía; en que tiempo la colocaremos?:

En el pasado? Za'ama,  "La Haketía era el vernaculó  judeoespanol de los sefardíes del..." ?

O, "La Haketía fe el vernaculó judeoespañol de....."?

O quizás, "La Haketía ha sido el vernaculó  judeoespañol de...."?

Me uahleí muncho emprimero, cuando me alevantí a escribir el articuló sobre la Haketía pa el portal ( (http://www.vocesdehaketia.com/ariclesforlahaquetia/Haketia.htm). Ma discues de munchas honduras (pensamientos profundos), dishi a mi cabesa, no al.liegen essos días de colocar la Haketía en el pasado, y escribí: "La Haketía ES el vernaculó judeoespañol de los sefardíes..............."

Ma, pa dizir que la Haketía ES y no era (no haya mal), es hoba que mos hazmeemos, y hadreemos, y escribamos en Haketia.

Con muncha asperanza de recibir vuestras ideas, opiniones y penserios (pensamientos), Halaquíme asperandovos,

Alicia