Hola compañeros,
Estuvimos en Florida mi marido y yo, y pamorde la tormenta no topimos roplano (avión) pa Nueva York. Dishimos a muestras cabesas daca y alquilaremos un coche pa avoltarmos (volvernos) a muestra cazza. Dabagar dabagar conducimos y mos farjeimos en el paisaje del sur de USA.
Vijitimos la fermoza (hermosa) cibdad -- Savannah en Georgia. Ahí, en 1735 una habburá (grupo) de Sefardíes oriundos de Londres fraguaron (fabricaron) una eznoga endiamantada, la primera eznoga del sur, y la nombraron: Kahal Kadosh Mikve Israel. Discués vijitimos a Charleston en Carolina del sur. Tamién una cibdad linda con arquitectura de talles y maneras (variedad). Los Sefardíes ('aued de Londres) fraguaron la eznoga fermoza -- Kahal Kadosh Beit Elohim en 1775. Ma la habburá ampezó a ajuntarse en una cazza ya en 1749. Las dos eznogas son aguera de Asquenazies reformistas.
Y de los guizados en los restaurantes, no sea vuestra faltita...que vos contare y que vos 'audeare, era un boril... Muncho halluf. Imaginaivos de este plato pa el desayuno: Una jarabujina de cashitos de salchichón y jamon guizados en gachas. Yo ba'ada mercaba mi pancito, quezzo, tomatitos, azeitunitas, y fruta en la qaisería. Berajjá del dio!
Con bien vos entre la semana,
Gracias mi ueno por este viaje tan fermozzo.
ReplyDeleteSe ve que voz farjeaiste bien, eso quiziera yo
vijitar esas cibdades de tanta historia antigua y arquitectura endiamantada. Por lo menos conservaron las eznogas mizmo ashkenazi reformistas.
Lo del halluf, me pasa lo mizmo cunando viajo. Solo como jodras y fruta, pescado asado. Zaama todo pasa.
Sana y guena estes y sigas farjeandomoz
bezzos
Mercedes/Merche